இங்கிலாந்தின் மிகப் பெரிய ஆல்ரவுண்டராக இன்று வரை கருதப்படும் வில்ஃப்ரெட் ரோட்ஸ் அக்டோபர் 29-ம் தேதி, 1877-ல் யார்க்‌ஷயரில் பிறந்தார். இவர் வலது கை பேட்டர். ஆனால் இடது கை ஸ்லோ ஸ்பின்னர். யார்க்‌ஷயர் பெற்றெடுத்த கிரிக்கெட் வைரம் என்று இவரை அழைக்கலாம். யார்க்‌ஷயருக்காக மட்டுமே 30,000 ரன்களை எடுத்துள்ளார்.
58 டெஸ்ட் போட்டிகளில் ஆடிய வில்ஃப்ரெட் ரோட்ஸ் 2,325 ரன்களில் 2 சதங்கள், 11 அரைசதங்களுடன், 30.19 என்ற சராசரியில் எடுத்துள்ளார். அதிகபட்ச டெஸ்ட் ஸ்கோர் 179. 60 கேட்ச்களையும் எடுத்துள்ளார். இவரது கணக்கில் ஒரேயொரு சிக்ஸ் உள்ளது. முதல் தர கிரிக்கெட்டில் இவர் ஆடிய போட்டிகள் நம்மை வாய்பிளக்கச் செய்யும் சாதனையாகும். 1,110 முதல் தர கிரிக்கெட் போட்டிகளில் ஆடி 39,969 ரன்களை எடுத்துள்ளார். இதில் அதிகபட்ச ஸ்கோர் 267 நாட் அவுட். மொத்தம் 58 சதங்கள் 197 அரைசதங்கள். 765 கேட்ச்கள்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/YXRKgWE