இந்திய கால்பந்து அணி தேர்வுக்கு ஜோதிடரிடம் ஆலோசித்த விவகாரம்: முன்னாள் வீரர்கள் கடும் கண்டனம்

கடந்த ஆண்டு ஜூன் மாதத்தில் ஆசியக் கோப்பை தகுதிச் சுற்றுப் போட்டிகளில் இந்திய அணி ஆடியபோது ஒவ்வொரு போட்டியின்போதும் அணியின் பயிற்சியாளர் ஐகோர் ஸ்டைமேக், ஜோதிடர் பூபேஷ் சர்மாவை கலந்தாலோசித்த விவகாரத்தில் மேலும் பல விஷயங்கள் வெளியாகியுள்ளன. இதனையடுத்து, முன்னாள் வீரர்கள் பயிற்சியாளருக்கு கண்டனங்களை தெரிவித்துள்ளனர்.

கால்பந்து அணியை ஜோதிடரைக் கலந்தாலோசித்து தேர்வு செய்ததையும், இதற்காக ஜோதிடருக்கு இந்திய கால்பந்து கூட்டமைப்பு லட்சக்கணக்கில் அவருக்குப் பணம் கொடுத்ததாகவும் முன்னணி ஆங்கில ஊடகம் செய்தி வெளியிட்டது அதிர்ச்சி அலைகளை ஏற்படுத்தியது. ஜோதிடரிடம் வீரர்களின் சொந்த விவரங்களைப் பகிர்ந்தது நேர்மை சம்பந்தப்பட்ட பிரச்சினைகளை எழுப்பியுள்ளதாக இப்போது பயிற்சியாளர்களாகியிருக்கும் முன்னாள் வீரர்கள் கூறுகின்றனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/v5jgsB3