செஞ்சுரியன்: ஆஸ்திரேலிய அணிக்கு எதிரான4-வது ஒருநாள் கிரிக்கெட் போட்டியில் 164 ரன்கள் வித்தியாசத்தில் வெற்றி பெற்றது தென் ஆப்பிரிக்க அணி. அந்த அணியின் பேட்ஸ்மேன் ஹெய்ன்ரிச் கிளாசன் 83 பந்துகளில் 174 ரன்கள் விளாசி மிரளச் செய்தார்.
செஞ்சுரியன் நகரில் நேற்று முன்தினம் இரவு நடைபெற்ற இந்த ஆட்டத்தில் முதலில் பேட் செய்த தென் ஆப்பிரிக்க அணி நிர்ணயிக்கப்பட்ட 50 ஓவர்களில் 5 விக்கெட்கள் இழப்புக்கு 416 ரன்கள் குவித்தது. ஹெய்ன்ரிச் கிளாசன் 83 பந்துகளில், 13 சிக்ஸர்கள், 13 பவுண்டரிகளுடன 174 ரன்கள் விளாசி ஆஸ்திரேலிய அணியின் பந்து வீச்சாளர்களை மிரளச்செய்தார். அவருக்கு உறுதுணையாக விளையாடிய டேவிட் மில்லர் 45 பந்துகளில், 5 சிக்ஸர், 6 பவுண்டரிகளுடன 82 ரன்கள் விளாசி ஆட்டமிழக்காமல் இருந்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/IHY0VtD