சிறப்பாக விளையாடி என்ன பயன்? - ஐசிசி WTC புள்ளிப் பட்டியலில் மே.இ.தீவுகளுக்கும் கீழே சென்ற இங்கிலாந்து!

நடந்து முடிந்த ஆஷஸ் தொடர் ஓர் அற்புதமான டெஸ்ட் கிரிக்கெட் தொடராக அமைந்ததோடு, கடுமையான சவாலான கிரிக்கெட் ஆட்டத்தை இரு அணிகளும் ஆடி தொடர் 2-2 என்று சமன் ஆனது. இதன் மூலம் ஆஷஸ் கோப்பையை ஆஸ்திரேலியா தக்க வைத்தாலும், இந்தத் தொடரில் இங்கிலாந்துதான் 3-2 என்று வென்றிருக்க வேண்டும். ஒரு டெஸ்ட் 5-ம் நாள் ஆட்டம் மழையினால் பாதிக்கப்பட்டதில் இங்கிலாந்தின் வெற்றி வாய்ப்புப் பறிபோனது. ஆனால், இப்போது ஏற்பட்டுள்ள புதிய சிக்கல் என்னவெனில், ஓவர்களை குறித்த நேரத்திற்குள் வீசாததால் இங்கிலாந்து 19 உலக டெஸ்ட் சாம்பியன்ஷிப் புள்ளிகளை இழக்க, ஆஸ்திரேலியா 10 புள்ளிகளை இழந்துள்ளது.

இதனையடுத்து, இங்கிலாந்துக்கு இந்த ஆஷஸ் தொடர் மூலம் 9 புள்ளிகளே கிடைக்க ஆஸ்திரேலியாவுக்கு 18 புள்ளிகள் கிடைத்துள்ளது. இங்கிலாந்து அணி நடந்து முடிந்த ஆஷஸ் தொடரில் எட்ஜ்பாஸ்டன் டெஸ்ட்டில் 2 ஓவர்கள், லார்ட்ஸ் டெஸ்ட் போட்டியில் 9 ஓவர்கள், ஓல்ட் டிராபர்ட் 3வது டெஸ்ட்டில் 3 ஓவர்கள் ஓவலில் 5 ஓவர்கள் பின் தங்கியிருந்ததால் உலக டெஸ்ட் சாம்பியன்ஷிப் புள்ளிகளை இழந்தனர். ஓவர் ரேட்டைப் பொறுத்தவரை ஆஸ்திரேலியா பிரமாதமான விழிப்புணர்வுடன் செயல்பட்டாலும் ஓல்ட் டிராபர்ட் டெஸ்ட்டில் 10 ஓவர்கள் பின் தங்கினர். இதனால் இங்கிலாந்து 2 வெற்றிகள் மூலம் 24 புள்ளிகள் பெற்றனர். ஒரு ட்ராவுக்கு 4 புள்ளிகள் ஆக மொத்தம் 28 புள்ளிகள் இதிலிருந்து ஓவர் ரேட் பின் தங்கியதால் 19 புள்ளிகளை நீக்கிவிட்டால் இங்கிலாந்துக்கு 9 புள்ளிகளே கிடைத்துள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/oWOa3y8