சிட்னி: எதிர்வரும் பிஃபா மகளிர் உலகக் கோப்பை தொடருக்கான சுவிட்சர்லாந்து அணியில் 16 வயதான இமான் பெனி இடம் பிடித்துள்ளார். கடந்த வெள்ளிக்கிழமை (ஜூன் 30) அன்று தான் தேசிய அணிக்காக அவர் தனது முதல் போட்டியில் விளையாடி இருந்தார். இந்த சூழலில் நேரடியாக உலகக் கோப்பை தொடரில் விளையாடும் வாய்ப்பை அவர் பெற்றுள்ளார்.
சுவிட்சர்லாந்து நாட்டின் தொழில்முறை கால்பந்தாட்ட கிளப் அணியான யங் பாய்ஸ் அணிக்காக பெனி விளையாடி வருகிறார். மிட்-ஃபீல்டர். கடந்த வெள்ளிக்கிழமை அன்று ஜாம்பியா அணிக்கு எதிரான போட்டியில் இரண்டாவது பாதியில் மாற்று வீராங்கனையாக களம் கண்டார். இந்தப் போட்டி 3-3 என்ற கணக்கில் சமனில் முடிந்தது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/hp6qmNX