‘தேங்க் யூ எம்எஸ்டி’ - முழங்காலில் ஐஸ்பேக் கட்டியிருந்த தோனி குறித்து நெகிழ்ந்த ரசிகர்கள்

சென்னை: சிஎஸ்கே - கேகேஆர் ஆட்டம் முடிந்த பின் கேப்டன் தோனி முழங்காலில் ஐஸ்பேக் கட்டிக்கொண்டு ரசிகர்களை சந்தித்தார். இது தொடர்பான வீடியோவையும், புகைப்படங்களையும் பகிர்ந்துள்ள நெட்டிசன்கள், ‘தேங்க் யூ தோனி’ என உணர்ச்சிபொங்க தங்கள் கருத்துகளை வெளிப்படுத்தியுள்ளனர்.

சரியாக ஒரு மாதத்துக்கு முன்பு சிஎஸ்கேவின் தலைமை பயிற்சியாளர் ஸ்டீபன் ஃப்ளெமிங், ‘தோனி தனது முழங்கால் காயத்தால் அவதிப்பட்டு வருகிறார். அது அவரின் தொடர் செயல்பாட்டுக்கு இடையூறாக உள்ளது’ என கூறியிருந்தார். இது ரசிகர்களிடையே வருத்தத்தை ஏற்படுத்தியிருந்தது. நடப்பு சீசனில் சென்னை சூப்பர் கிங்ஸ் அணி இதுவரை 9 போட்டிகளில் விளையாடியுள்ளது. ஆனால், இந்த 9 போட்டிகளிலும் தோனி தவறாமல் கலந்துகொண்டார். எந்த ஆட்டத்தையும் அவர் தவறவிடவில்லை. முழங்கால் பிரச்சினை இருந்தபோதிலும், தோனி அனைத்து ஆட்டங்களிலும் விக்கெட் கீப்பிங் செய்துள்ளார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/C5gwisN