பெங்களூரு: ஐபிஎல் டி20 கிரிக்கெட் தொடரில் இன்று பிற்பகல் 3.30 மணிக்கு பெங்களூரு சின்னசாமி கிரிக்கெட் மைதானத்தில் நடைபெறும் ஆட்டத்தில் ராயல் சாலஞ்சர்ஸ் பெங்களூரு - ராஜஸ்தான் ராயல்ஸ் அணிகள் மோதுகின்றன. ராஜஸ்தான் அணி 6 ஆட்டங்களில் 4 வெற்றி, 2 தோல்விகளுடன் 8 புள்ளிகள் பெற்று பட்டியலில் முதலிடத்தில் உள்ளது. பெங்களூரு 6 ஆட்டங்களில் 3 வெற்றி, 3 தோல்விகளுடன் 6 புள்ளிகள் பெற்று 5-வது இடத்தில் உள்ளது.
ராஜஸ்தான் தனது கடைசி ஆட்டத்தில் லக்னோவிடம் தோல்வி அடைந்திருந்தது. அந்த ஆட்டத்தில் 155 ரன்கள் இலக்கை விரட்டிய ராஜஸ்தான் அணிக்கு யஷஸ்வி ஜெய்ஸ்வால், ஜாஸ்பட்லர் ஜோடி 11.3 ஓவர்களில் 87 ரன்கள் சேர்த்து கொடுத்த நிலையில் நடுவரிசை பேட்ஸ்மேன்கள் சிறப்பாக செயல்படத் தவறியதால் 10 ரன்கள் வித்தியாசத்தில் தோல்வி அடைய நேரிட்டது. இதனால் இன்றைய ஆட்டத்தில் நடுவரிசை பேட்ஸ்மேன்கள் கூடுதல் கவனமுடன் செயல்படக்கூடும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/YZH47gC