சிட்னி: மழையால் பாதிக்கப்பட்ட சிட்னி டெஸ்ட் போட்டியின் 4-ம் நாளான சனிக்கிழமை ஆஸ்திரேலியா 475/4 என்று டிக்ளேர் செய்தது. உஸ்மான் கவாஜா 195 ரன்கள் இருந்த நிலையிலேயே டிக்ளேர் செய்தார் கமின்ஸ். தொடர்ந்து ஆடிய தென் ஆப்பிரிக்கா அணி இந்த பேட்டிங் பிட்சிலும் அட்டகாசமாக வீசிய கேப்டன் கமின்ஸிடம் விக்கெட்டுகளை இழந்து 149/6 என்று 4-ம் நாள் முடிவில் பரிதாபமான நிலையில் இருந்தது.
முதலில் கவாஜா 195 ரன்களில் இருந்த போது கமின்ஸ் டிக்ளேர் செய்கிறார் என்றால், அதற்கு கவாஜாவும் ஒப்புக் கொண்டிருக்கிறார் என்றுதான் அர்த்தம். இங்கெல்லாம் முடியுமா? இரட்டைச் சதம் அடிக்க விடாமல் டிக்ளேர் செய்து விட்டார் இவருக்குப் பொறாமை, அவருக்கு கொழுப்பு என்றெல்லாம் கதைக் கட்டத் தொடங்கி விடுவார்கள். ஆனால் ஒரு அணியாக வெற்றி வாய்ப்பை உருவாக்கிக் கொள்வதுதான் கேப்டன் என்பவரது பொறுப்பு, இதனாலேயே கவாஜாவின் இரட்டைச்சதத்தைப் பறித்த காரணத்தினாலேயே கமின்ஸ் ஒரு கேப்டன்/வேகப்பந்து வீச்சாளராக உண்மையில் டெஸ்ட் போட்டியின் ஆகச்சிறந்த ஒரு வேகப்பந்து வீச்சை வீசினார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/wzvRdhu