சென்னை: செஸ் ஒலிம்பியாட்டில் இந்திய பி அணியில் விளையாடி வரும் 16 வயதான டி.குகேஷ் விளையாடிய 6 ஆட்டங்களிலும் வெற்றி பெற்று அனைவரது கவனத்தையும் தன்மீது குவியச்செய்துள்ளார். குகேஷின் அற்புதமான செயல் திறனானது 1992-ம் ஆண்டு மணிலாவில் நடைபெற்ற செஸ் ஒலிம்பியாட்டில் முன்னாள் உலக சாம்பியனான ரஷ்யாவின் விளாடிமிர் கிராம்னிக்கின் ஆட்டத்தை நினைவூட்டுவதாக இருந்தது.
சர்வதேச அளவில் அறியப்படாத விளாடிமிர் 9-க்கு 8.5 புள்ளிகளை பெற்றார். 2,958 ரேட்டிங் புள்ளிகளுடன் 5-வது போர்டில் விளையாடி தங்கம் வென்றிருந்தார். அப்போது அவருக்கு 17 வயதுதான். குகேஷ், கிராம்னிக் ஆகியோரது செயல்திறன்கள் ஒப்பிடத்தக்கவை கிடையாது. ஏனெனில் குகேஷ் ஏற்கெனவே நன்கு அறியப்பட்ட கிராண்ட்மாஸ்டர். மேலும் ஒலிம்பியாட் போட்டியில் இன்னும் 5 சுற்றுகள் மீதம் உள்ளன. இருப்பினும் குகேஷின் செயல்திறன் வெகுவாக பாராட்டக்கூடிய அளவிலேயே உள்ளது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/mo0lx7W