அப்பா நீங்கள் எங்கள் இதயத்தில் இருக்கிறீர்கள்: ஷேன் வார்னின் குழந்தைகள் உருக்கம்

மெல்பர்ன்: ஆஸ்திரேலிய கிரிக்கெட் ஜாம்பவான் ஷேன் வார்ன் (52) கடந்த வெள்ளிக்கிழமை தாய்லாந்தில் உள்ள வில்லா ஒன்றில் மரணமடைந்தார். அவரது மரணம் இயற்கையானது தான் என மருத்துவர்களும், காவல் துறையினரும் அறிவித்தனர். இந்நிலையில் ஷேன் வார்னின் 3 குழந்தைகளும், தந்தைக்கு உருக்கமாக அஞ்சலி செலுத்தி உள்ளனர்.

ஷேன் வார்னின் 22 வயதான மகன் ஜேக்சன் கூறும்போது, “என் சகோதரன், என் நண்பன், எனது தந்தையை மிகவும் நேசிக் கிறேன். எனது இதயத்தில் நீங்கள் விட்டுச் சென்ற இடத்தை எதுவும் நிரப்பப்போவது இல்லை. போக்கர் டேபிளில் அமர்வது, கோல்ஃப் மைதானத்தை சுற்றி நடப்பது, புனிதர்களைப் பார்ப்பது, பீட்சா சாப்பிடுவது எல்லாம் ஒரே மாதிரியாக இருக்காது. ஆனால், நீங்கள் எப்பொழுதும் நான் மகிழ்ச்சியாக இருக்க வேண்டும் என நினைப்பீர்கள் என்பது எனக்குத் தெரியும். நான் உங்களை மிகவும் இழக்கப் போகிறேன் அப்பா, நீங்கள் உண்மையிலேயே சிறந்த தந்தை மற்றும் துணையாக இருந்தீர்கள். நான் உங்களை மிகவும் நேசிக்கிறேன் அப்பா” என்றார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/rp8nPCw