செயின்ட் லூயிஸ்: கிராண்ட் செஸ் டூரில் இந்த ஆண்டுக்கான கடைசி தொடரான சின்க்ஃ பீல்ட் கோப்பை அமெரிக்காவின் செயின்ட் லூயிஸ் நகரில் நடைபெற்று வருகிறது. இதன் 6-வது சுற்றில் இந்திய கிராண்ட் மாஸ்டரான ஆர்.பிரக்ஞானந்தா, நடப்பு உலக சாம்பியனான சீனாவின் டிங் லிரெனுடன் மோதினார். இந்த ஆட்டம் 32-வது காய் நகர்த்தலின் போது டிரா ஆனது.
மற்றொரு இந்திய கிராண்ட் மாஸ்டரான டி.குகேஷ், பிரான்ஸ் கிராண்ட் மாஸ்டரான மாக்சிம் வாச்சியர்-லாக்ரேவுடன் மோதினார். இந்த ஆட்டம் 72-வது காய் நகர்த்தலின்போது டிராவில் முடிவடைந்தது. ரஷ்யாவின் இயன் நெபோம்னியாச்சி, அமெரிக்காவின் பேபியானோ கருனாவுடன் மோதினார். இதில் 25-வது காய் நகர்த்தலின் போது நெபோம்னியாச்சி அதிர்ச்சி தோல்வி அடைந்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/7bPwKy1