ஐபிஎல் டி20 கிரிக்கெட் தொடரின் 16வது சீசன் போட்டிகள் வரும் 31ம் தேதி தொடங்குகின்றன. தொடரின் முதல் ஆட்டத்தில் நடப்பு சாம்பியனான குஜராத் டைட்டன்ஸ், சென்னை சூப்பர் கிங்ஸ் அணியுடன் மோதுகிறது. 4 முறை சாம்பியனான சிஎஸ்கே-வுக்கு 2022-ம் சீசன் மோசமானதாக அமைந்தது. 10 அணிகள் கலந்து கொண்ட அந்தத் தொடரில் சிஎஸ்கே அணியால் 8 புள்ளிகளுடன் 9-வது இடத்தையே பிடிக்க முடிந்தது.
ரவீந்திர ஜடேஜா கேப்டனாக சீசனை தொடங்கிய நிலையில் அழுத்தம் மற்றும் தனது மோசமான பார்ம் காரணமாக தொடரின் மத்தியில் கேப்டன் பதவியில் இருந்து விலகினார். இதனால் தோனி மீண்டும் கேப்டனாக மாறினாலும் பிற்பாதியில் எந்த பலனும் கிடைக்கவில்லை. இந்த சீசனில் சிஎஸ்கே தோனி தலைமையில் முழு பலத்துடன் களமிறங்குகிறது. தொடக்க பேட்டிங்கில் ருதுராஜ் கெய்க்வாட், டேவன் கான்வே அசத்தக்கூடும் என எதிர்பார்க்கப்படுகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
https://ift.tt/6IgRcqW